ప్రియసఖి

ఫణీంద్ర//ప్రియసఖి//13.08.2013

ఉగ్గుపాలతో ప్రేమని రంగరించి
తన అనురగాన్నంతా పంచిన అమ్మ,

కమ్మని కబుర్లు,కధలతో
లాలించి నిద్రపుచ్చే నాన్న,

ఓ మంచి స్నేహితుడిలా
ఎప్పుడూ నాతోడుండే అన్న,

అల్లరి పట్టించి,ఉడికించి
చిలిపిగా ముద్దాడే అత్త,

నన్ను చూసి మురిసి పోతూ
మురిపాలు కురిపించె,
అమ్మమ్మ,నానమ్మ,తాతయ్యలు !

మరివీరందరిలో..
పరకాయ ప్రవేశం చేసి,
ఈ నూనూగు మీసాల మనోహరుడి
హృదయం దొచుకున్నావుకదా!
ప్రియ సఖీ...