ఏమయిందినాకు?

ఫణీంద్ర//ఏమయిందినాకు?//22.07.2013

ఏమయింది నాకు?

నా మనసు నాలో లేకుండా,
దూది పింజై ఎగిరిపోతోందేమిటి?

నా గుండె లయ తప్పి,
ఉద్వేగంగా శబ్దాలు చేస్తోందేమిటి?

నా కళ్ళకు నిదుర రానీకుండా,
కనురెప్పలపై నీరూపం నాట్యం చేస్తోందేమిటి?

నిద్ర నిద్రలా కాకుండా కలతనిద్రవుతూ,
కలల్లోకూడా కవ్వించి,నిద్దుర పోనీయడేంటి?

కలివిడిగా ఉరకలు వేసే నేను అందరిని వదిలి,
ఒంటరితనాన్ని కోరుకుంటున్నానేమిటి?

గల గల లాడే నాకాలి చిరుమువ్వలు,మూగవోతూ,
నిశ్శబ్దంగా నిదురోతున్నాయేమిటి?

నిన్నటివరకు ఎవరికీ చోటీయని నా హృదయం,
ఈ రోజిలా నీకోసం పరితపిస్తోందేమిటి?

అయినా..
ఈ అనుభూతులన్నీ,
బహు గమ్మత్తుగా,
గిలిగింతలుపెడుతున్నాయి సుమీ....\

***