హృదయస్పందన

ఫణీంద్ర //హృదయస్పందన //07.07.2013

మొదటి చూపులోనే పూలబాణాలువేసి
మన్మధ సామ్రాజ్యానికి మహారాణిని చేసావ్

బాహువ్వులో బందీని చేసి
నీ శ్వాసని నా శ్వాసగా మార్చావ్

ప్రేమగా లాలించి నుదుటిపైముద్దులిచ్చి
నా హృదయంలొ గిలిగింతలు రేపావ్

సిగ్గుమొగ్గయిన నా బుగ్గల సొట్టలపై చిటికేసి
సిగ్గులకే నిగ్గులు నేర్పావ్

తేనెలూరే పెదవులని తమకంగా పలుకరించి
సుధామాధుర్యాన్ని చవి చూపావ్

నీ హృదయాన్నె కానుకగా నాకిచ్చి
నాలో నివైపోయావ్

ముచ్చటైన మూడు ముళ్ళబంధం తో
మన అనుభందాన్ని శాశ్వతం చేసావ్

వీడిపోని మన అనురాగ బంధం
ఇలానే...
ఎప్పటికీ...మరెపాటికీ.....

(పెళ్ళయిన కొత్తలో ఓ అమ్మాయి హృదయస్పందన)......ఫణీంద్ర

తొలిపులకింత

ఫణీంద్ర//అమ్మచేతి గోరుముద్దలు//

అమ్మ చేతి గోరుముద్దలు
తినను తినననే తిక్క పట్లు

చందమామ రావే..జాబిల్లి రావే
అమ్మ పాటల ఊరింపులు

కడుపు నిండి కనురెప్పలు వాలుతుంటే
జో..అచ్చుతానందా..జోలపాటలు

అమ్మ ఒడిలో హాయిగా నిదురోయే
ఆ చిన్ననాటి అనుభూతులు,
మళ్ళీ అనుభవించేలా
నేను చిన్నారినైపోతే....

నాన్న గుండెలమీద నిద్ర
ఏడు చేపలకధలు పిట్టకధలు!

రాక్షసుల, రాకాసి లోయల వర్ణనలు
రాముడు..కృష్ణుడు..సితా రాధికల గాధలు

ఊకొడుతూ నిదురోయే మగత..
మళ్ళీ అనుభవించేలా
నేను బుడుతడినైపోతే....

ముంగిట కట్టిన ధాన్యపు కంకులు
చుట్టూ మూగిన పొట్టిపిచుకల కిచకిచలు

చిట్టీ చిలకమ్మల మాటలు..కోయిలమ్మల పాటలు
వెన్నెల రాత్రులు..ఆటలు..పాటలు

కొలనులో విచ్చుకునే కలువలు
చెరువంతా విరబూసే ఎర్ర తామరులు

ఊరి దేవత సంబరాలు..వీధి నాటకాలు
ఎన్నో..ఎన్నో..మరెన్నో..
తనివితీరా మళ్ళీ అనుభవించేలా..
అందరూ ముద్దులిచ్చేలా, నేను
చిన్ని పిల్లాడినైపోతే....

....ఫణీంద్ర

బుల్ రంకెలేశ్తే ఏంటి?
బేర్ బావురుమంటే ఏంటి?
ఒక్క రోజులో వందని వెయ్యి చేయాలనే దురాశ నాకు లేదుగా!

సువర్ణం ధగధగ లాడిపోతుంటే ఏంటి
వెండి వెలవెల పోతే ఏంటి?
బాంక్ ఖాతాలో నా బాలన్స్ వెయ్యిరుపాయలేగా!

పెట్రొల్ భగభగ మంటే ఏంటి
డీశెల్ ధర కనిస్టానికి పడిపోతే ఏంటి?
కార్లున్నవడినా?స్కూటర్లున్నవాడినా?

ఎగిరే విమానాల చార్జీలు పెరిగితే ఏంటి?
పరుగులు తీసే రైళ్ళలో బెర్త్ లు దొరక్కపోతే ఏంటి?
బయటి ప్రపంచంతో పనిలేకుండా బ్రతికేసే సగటు మనిషి నేగా!

సెల్ మోడళ్ళు ఎన్నొస్తే ఏంటి?
కంప్యూటర్లు,కాకరకాయలతో మార్కెట్ నిండిపోతే ఎంటి?
నా కున్న నేస్తాలు..నాప్రపంచం..నాకు చాలుగా!

పిజ్జా కి పీజ్జా ఆఫర్ లుంటే ఏంటి?
అయొనోక్స్ లో త్రీడి సినిమాలొస్తే ఏంటి?
నా రంగి చేసే రొట్టే నాకు అమృతం..నా బుల్లి టి.వి యే నాకు సంత్రుప్తి.

నా ప్రపంచం నాది.... రంగుల ప్రపంచాలు నాకొద్దు!
నకే వత్తిడులు వద్దు... పరుగులు పెట్టే నిత్య జీవితం ఒద్దు
నాకు తెలిసిందల్లా..రోజంతా కస్టపడటం..
సయత్రం అయ్యేసరికి..గుప్పెడు మల్లెలతో..నా రంగిని చేరటం..
సరసాలతో..సల్లాపాలతో..ఉత్సాహంగా ఉల్లాసంగా...
స్వర్గపుటంచులని తాకేయటం!

..........ఫణీంద్ర

Top of Form

నాన్న

            // నాన్న// ఫణీంద్ర//16.06.2013

         నుదుటి మీది ముద్దుతో నిద్రలేపే లాలిత్యం
         కాకమ్మ చిలకమ్మల కధలతో..నిద్రపుచ్చే సహనం..

        అమ్మ కొడితే అక్కున చేర్చుకొనే అనురాగం
        తిట్టయినా తిట్టకుండా తీర్చి దిద్దిన ప్రేమానురాగం
      
        ఆటలు పాటలు..అన్నీ నేర్పిన మంచి నేస్తం
        బొమ్మలెన్నో తెచ్చి ముద్దు లిచ్చే బంగారం

        చేయి పట్టి మంచి మార్గాన నడిపించిన దీపం
        ఉజ్వల భవిష్యత్ ని అందించిన ఆదర్శ మార్గం...

       అమ్మ ప్రేమను మించిన ప్రేమను అందించే
       అపూర్వ ప్రేమానుభంధం.....నాన్న

                     …… ఫణీంద్ర//16.06.2013